[ ::: ♥Keep_Mailing♥ ::: ]™ મૂડ મૂડ કે દેખ... (Gujarati)

Please use http://translate.google.com/ to translate this article to Language of your choice. મૂડ મૂડ કે દેખ... પ્રફુલ્લ કાનાબાર             જાન લો, ઠોકર ખાને સે હી કામયાબી કા રાસ્તા મિલતા હૈ!   સાવ નાનકડા ગામનો એક છોકરો બાજુના મોટા ગામમાં ચાલીને ફિલ્મ જોવા ગયો. પછીથી એણે એ ફિલ્મ સતત ૪૦ વખત જોઈ. દર વખતે ચાલીને બાજુના ગામ જતો અને ચાલીને આવતો. આ દરમિયાન એણે મનમાં નક્કી કરી લીધું કે મુંબઈ જઈને ફિલ્મોમાં કામ કરીશ.   યુવાનીના ઉંબરે પગ મૂકતાંની સાથે જ ધર્મેન્દ્રએ ફ્લ્મિફેરની ટેલેન્ટ હન્ટમાં ફેટા સાથે અરજી મોકલી હતી. જેમાં તેનું સિલેક્શન થયું. ધર્મેન્દ્રએ પુરા ઉત્સાહથી મુંબઈની ટ્રેન પકડી લીધી. જો કે મુંબઈમાં પગ મૂક્યા બાદ અને ફિલ્મફેર ની એ ટેલેન્ટ હન્ટ માં  ભાગ લીધા બાદ, પણ ધર્મેન્દ્રનો ઉત્સાહ લાંબો સમય ટક્યો નહોતો. આકરા સંઘર્ષનો સમય શરૂ થયો હતો. નિર્માતાઓની ઓફ્સિના અને સ્ટુડિયોના ચક્કર કાપવાના ભાડાના પૈસા પણ ન હોવાથી એ ચાલતો જ બધે પહોંચી જતો. કેટલીયે વાર સાંજે ચણા ખાઈને ચલાવવાના તે દિવસો હતા. અતિશય આર્થિક તંગીના એ દિવસોમાં જ ધર્મેન્દ્રની દોસ્તી તેના જેવા જ સંઘર્ષ કરી રહેલા એક યુવાન સાથે થઈ હતી. તે યુવાન એટલે મનોજ કુમાર. આજે પણ બંને પાક્કા દોસ્ત છે.   ધર્મેન્દ્રએ સિનેજગતમાં પ્રવેશ મેળવવા માટે અતિ આકરો સંઘર્ષ કર્યો હતો. તે દિવસોમાં જ તેણે સંકલ્પ કર્યો હતો કે જો કિસ્મત સાથ આપશે અને તે મોટો સ્ટાર બનશે તો ફ્લ્મિોમાં આવવા માટે સંઘર્ષ કરી રહેલા યુવાનોને તે ચોક્કસ મદદ કરશે. નામ અને દામ બંને કમાયા બાદ ધર્મેન્દ્રએ મુંબઈની બહારથી આવતા પચાસેક સ્ટ્રગલર્સ રહી શકે તેવી હોસ્ટેલ જેવી સગવડ ઊભી કરી હતી. તેમાં જમવા સાથે રહેવાનું નજીવું ભાડુંં રાખ્યું હતું. કદાચ કોઈ જેન્યુઈન કારણ હોય તો ત્રણ માસ પછી ભાડું ભરવાની પણ સુવિધા આપવામાં આવી હતી. સમય મળે ત્યારે ધર્મેન્દ્ર તે યુવાનોને મળતો. આવી સરસ વ્યવસ્થાનો મોટાભાગના યુવાનો મિસયુઝ કરવા લાગ્યા. આખો દિવસ મુંબઈમાં હરે ફરે અને ભાડું આપવામાં ગલ્લાતલ્લા કરવા લાગ્યા…તે તો ઠીક પણ સામેથી બસનું ભાડું પણ માંગવા લાગ્યા. આઠ માસના નિરિક્ષણ બાદ ધર્મેન્દ્રને સમજાયું કે આસાનીથી મળતી સગવડને કારણે આ યુવાનો આળસુ થઈ ગયા છે. આખરે ધર્મેન્દ્રએ નિરાશ થઈને તે પ્રોજેક્ટ પડતો મૂક્યો. તે કહે છે "હરેક ઇન્સાન કો અપના સંઘર્ષ અપને બલ પર હી કરના ચાહિયે. ઠોકર ખાને સે હી કામયાબી કા રાસ્તા મિલતા હૈ."   ધર્મેન્દ્રનો જન્મ પંજાબમાં તા.૮/૧૨/૧૯૩૫ના રોજ થયો હતો. તેનું સાચું નામ ધરમસિંહ દેઓલ છે. પિતા સ્કૂલમાં હેડ માસ્તર હતા. સાવ નાના ગામડાંમાં ધર્મેન્દ્રનું બાળપણ વીત્યું હતું. ધર્મેન્દ્રને પ્રથમ બ્રેક અર્જુન હિંગોરાની એ "દિલ ભી તેરા હમ ભી તેરે" માં આપ્યો હતો. ધર્મેન્દ્રએ તેમનો તે ઉપકાર હંમેશાં યાદ રાખ્યો હતો. અર્જુન હિંગોરાનીની જેટલી ફ્લ્મિોમાં ધર્મેન્દ્રએ કામ કર્યું તે તમામમાં તેણે માત્ર નામના જ પૈસા લીધા હતા. જેમાં "કબ કયું ઔર કહા?" અને "કહાની કિસ્મત કી" જેવી સફ્ળ ફ્લ્મિોનો પણ સમાવેશ થાય છે. ધર્મેન્દ્રની સોલો હીરો તરીકેની સુપરડુપર હિટ ફ્લ્મિ એટલે ૧૯૬૬માં રિલીઝ થયેલી "ફૂલ ઔર પથ્થર". મીનાકુમારીએ ઘણી ફ્લ્મિોમાં ધર્મેન્દ્રને સાથે લેવાનો આગ્રહ રાખ્યો હતો તે વાત તો ખૂબ જ જાણીતી છે. શાયરીનો શોખ પણ ધર્મેન્દ્રને મીનાકુમારીને કારણે જ લાગુ પડયો હતો. તે જમાનામાં ધર્મેન્દ્રએ મીનાકુમારી ઉપરાંત માલા સિંહા, ર્શિમલા ટાગોર, આશા પારેખ, રેખા, ઝીનત અમાન તથા મુમતાઝ જેવી ટોચની હીરોઈનો સાથે કામ કર્યું હતું. જો કે ૭૦-૮૦ના દાયકામાં ધર્મેન્દ્રની હેમા માલિની સાથે એવી જોડી જામી કે એમની વચ્ચે પ્રેમ થઈ ગયો. બંનેએ ત્રીસ કરતાં પણ વધારે ફ્લ્મિોમાં સાથે કામ કર્યું હતું. હેમાએ ઉંમરમાં બાર વર્ષ મોટા ધર્મેન્દ્ર સાથે આખરે લગ્ન કરી લીધા.  ધર્મેન્દ્રના પહેલા લગ્ન ઓગણીસ વર્ષની ઉંમરે પ્રકાશ કૌર સાથે થઈ ચૂક્યા હતા. ધર્મેન્દ્રએ તેને તરછોડી નથી. બે દીકરી અને બે દીકરાના પિતા બની ચૂકેલા ધર્મેન્દ્રએ ઓન પેપર મુસ્લિમ ધર્મ અંગીકાર કરીને આગલો પરિવાર છોડયા વગર હેમા માલિનીને અપનાવી છે.   ૧૯૮૭ માં બાવન વર્ષના ધર્મેન્દ્રની હીરો તરીકે ૧૧ ફ્લ્મિો રિલીઝ થઈ હતી. જેમાંથી સાત ફ્લ્મિો સફ્ળ નીવડી હતી. નવાઈની વાત તો એ છે કે તેની અને સની દેઓલની ફ્લ્મિો એક સાથે જ રિલીઝ થતી હતી. તે દિવસોમાં અમૃતાસિંઘ, ડિમ્પલ કાપડીયા, જયાપ્રદા અને શ્રીદેવી બાપ દીકરા બંને સાથે હિરોઈન તરીકે આવતી હતી. દર્શકો હોંશે હોંશે તેમની ફ્લ્મિોમાં આ કોમન હિરોઈનો સાથે જોવા ટેવાઈ પણ ગયા હતા.   ધર્મેન્દ્રને ડાન્સ સાથે હંમેશાં છત્રીસનો આંકડો રહ્યો છે. "પ્રતિજ્ઞાા" માં રફી સાહેબે ગાયેલું પ્રખ્યાત ગીત "મૈ જટ યમલા પગલા દીવાના" માં ધર્મેન્દ્રએ કરેલા ડાન્સની મિમિક્રી સ્ટેજ પર આજે પણ કેટલાક કલાકારો કરતા જોવા મળે છે.   ટાઈમ્સ મેગેઝિને ધર્મેન્દ્રને વિશ્વના દસ હેન્ડસમ પુરુષોમાં સ્થાન આપ્યું હતું. આજે પણ સની દેઓલ કહે છે, "મેરા ફેવરીટ હીરો ધરમજી હૈ " બોબી દેઓલે તો તેના પુત્રનું નામ જ ધરમ રાખ્યું છે.   ગોવિંદા તો ધર્મેન્દ્રનો એટલો બધો આશિક છે કે તેની પત્ની સુનિતા જ્યારે પ્રેગ્નન્ટ હતી. ત્યારે તેણે ધર્મેન્દ્રનો મોટો ફેટો તેને ગિફ્ટમાં આપ્યો હતો અને એવું પણ કહ્યું હતું "કાશ મેરા આનેવાલા બેટા ધર્મેન્દ્ર જૈસા હેન્ડસમ હો" ધર્મેન્દ્રને જયારે આ વાતની ખબર પડી ત્યારે ગોવિંદાની ભક્તિને કારણે તેમની આંખમાં આંસુ આવી ગયા હતા. ઇવન દિલીપકુમારે પણ એક જાહેર સમારંભમાં કહ્યું હતું "અગર ખુદા મુઝે મેરી ખ્વાહિશ પૂછે તો મંૈ અગલે જનમ મેં ધર્મેન્દ્ર જૈસી ખૂબસૂરતી માંગના પસંદ કરુંગા."   સલમાન ખાન અને ધર્મેન્દ્ર એક બીજાને ખૂબ જ પસંદ કરે છે. સલમાનની ફ્લ્મિ "પ્યાર કિયા તો ડરના ક્યા" માં સલમાનને કારણે જ ધર્મેન્દ્રએ એક પણ પૈસો લીધા વગર કામ કર્યું હતું. આઠ તારીખે ધરમ જી નો  બર્થ ડે છે...

--
You received this message because you are subscribed to the Google Groups "Keep_Mailing" group.
To unsubscribe from this group and stop receiving emails from it, send an email to keep_mailing+unsubscribe@googlegroups.com.
To post to this group, send email to keep_mailing@googlegroups.com.
Visit this group at https://groups.google.com/group/keep_mailing.
To view this discussion on the web visit https://groups.google.com/d/msgid/keep_mailing/CAH3M5Os9k-2WCh3-gU3SipT1u8gmKEamm8VgwoW27OftwVQ%3DCw%40mail.gmail.com.
For more options, visit https://groups.google.com/d/optout.