[ ::: ♥Keep_Mailing♥ ::: ]™ શૂન્યમાંથી સર્જન કરનારા સાહસિકોની અનોખી કથા (Gujarati)

Please use http://translate.google.com/ to translate this article to Language of your choice. શૂન્યમાંથી સર્જન કરનારા સાહસિકોની અનોખી કથા! Kanti Bhatt     આલ્બેયર કામુ નામના મારા ફેવરિટ અસ્તિત્વવાદી લેખકે લગભગ પોણોસો વર્ષ પહેલાં એક પ્રેરણાદાયી વાક્ય ઉચ્ચારેલું જે આજે 2018માં કામનું છે. તેમણે કહેલું કે 'માણસને કિરતારે જિંદગી આપી છે તો તેને પૂર્ણ રીતે જીવવી અને ભોગવવી. જીવન દરમિયાન કંઈક ક્રીઅેટ કરવું જોઈએ. કંઈક નવું સર્જન કે નવું સાહસ કરવું જોઈએ.' તેના આ પ્રેરણાદાયી સંદેશને અનુસરનારા રોલેક્સ ઘડિયાળના પિતામહથી માંડીને ઘરમાંથી પહેરેલે કપડે જેને પિતાએ કાઢી મૂક્યા તે એક આયુર્વેદના વૈદની પુરુષાર્થ કથા કહેવી છે.     માણસને કિરતારે જિંદગી આપી છે તો તેને પૂર્ણ રીતે જીવવી અને ભોગવવી. જીવન દરમિયાન કંઈક ક્રીઅેટ કરવું જોઈએ. કંઈક નવું સર્જન કે નવું સાહસ કરવું જોઈએ (1) આફ્રિકાના એક રણપ્રદેશમા મોરિટાનિયા નામનો ટચૂકડો દેશ છે. નાન્સી રહેમાન નામની એક આરબ સ્ત્રીને ઘરમાંથી કાઢી મુકાઈ. તે રણમાં રહીને રડીને જિંદગી ગાળવાને બદલે કંઈક નવું કરવા તત્પર થઈ. તેનું નામ નાન્સી હતું પણ અસલ આરબની. રણમાં મોટે ભાગે ઊંટ કે ઊંટડીનો ઉપયોગ ટ્રાન્સપોર્ટ માટે થાય છે. ઊંટડીને બચ્ચું જન્મે પછી તેનું દૂધ શરૂમાં દવા તરીકે વપરાય છે. પછી ફેંકી દેવાય છે. નાન્સી રહેમાને જોયું કે ઊંટડીના દૂધમાં ઔષધીય ગુણો છે. તેણે જગતની પ્રથમ ઊંટડીના દૂધની ડેરી શરૂ કરી! અને તે વાત છેક યુરોપમાં જીનિવા શહેર સુધી પહોંચી. રોલેક્સ નામની જગવિખ્યાત કંપનીની નજરે આ ઊંટડીના દૂધની ઉપયોગિતાની વાત નજરે ચઢી. રોલેક્સના કાર્યકર્તાઓ અમુક ક્ષેત્રમાં નવું કરનારને એવોર્ડ આપે છે. નાન્સી અબોદર રહેમાને ઊંટડીનું દૂધ નિકાસ કરવા માંડ્યું. પણ પછી તેને નાણાંની જરૂર પડી. તે માટે તેને 'રોલેક્સ' કંપનીનું ઈનામ મળ્યું. અને તેને કારણે યુરોપમાં ઊંટડીનું ઔષધીય દૂધ નિકાસ થઈ શક્યું. અને... આ રોલેક્સ ઘડિયાળનો મૂળ નિર્માતા કોણ હતો? હાન્સ વિલફોર્ડ નામનો એક બાર વર્ષનો અનાથ છોકરો રોલેક્સનો મૂળ નિર્માતા હતો! બચપણથી ઘડિયાળના ભાગોને ભેગા કરવા કે રિપેર કરવાનું કામ શીખેલો. તેના પિતાએ હાન્સ વિલફોર્ડને કાઢી મૂક્યો. તે કાકાને ઘરે ગયો. કાકાએ થોડા દિવસ આશરો આપ્યો પણ પછી કાકાને લાગ્યું કે આ ભત્રીજો ભારે પડશે તો તેણે પણ તેને કાઢી મૂક્યો. 1905મા હાન્સ વિલફોર્ડે 24ની ઉંમરે સખત પુરુષાર્થ કરીને લંડનના હેટ્ટોન ગાર્ડન વિસ્તારમાં ઘડિયાળની હાટડી શરૂ કરી. 1908માં ઘડિયાળનું નામ રોલેક્સ (ROLEX) રાખ્યું અને સ્વિત્ઝર્લેન્ડ ચાલ્યો ગયો. ઉચ્ચ ક્વોલિટીનાં ઘડિયાળો બનાવીને 'રોલેક્સ'નું નામ પ્રખ્યાત કર્યું. આજે રોલેક્સનું નામ જગતભરમાં ગાજે છે. આજે મૂળ નિર્માતાના પૌત્ર રોલેક્સ કંપની સંભાળે છે. ઊંટડીનું ઔષધીય દૂધ વેચનારી બાઈને બે દસકા પહેલાં રૂ. 98000નું રોલેક્સ ભેટ મળેલું તે ઘડિયાળ કાંડે પહેરીને તે બાઈ ઊંટડીનું દૂધ પવાલામાં દોહે છે.    આવા 'રોલેક્સ'ના એવોર્ડનો બીજો હકદાર હોય તો મુંબઈ આયુર્વેદના એક વૈદ, જેણે પણ શૂન્યમાંથી સર્જન કર્યુંં છે. જગતમાં કીર્તિ, નાણાં અને નામના મેળવવા બચપણમાં કે યુવાનીમાં ઘણાએ સંઘર્ષમય જીવન વિતાવ્યા હોય છે. સુભાષ ઘાઈથી માંડીને દલાઈ લામા પણ સંઘર્ષ કરી ઊંચા આવ્યા છે. તે વખતે મારા પત્રકારત્વથી આકર્ષાઈને ડો. પંકજ નરમ મારી પાસે આવ્યા.  તે વખતે ડો. પંકજ નરમ મીઠીબાઈ કોલેજમાં ભણતો હતો. તે શરૂમાં મારી પાસે ઈન્વેસ્ટિગેટિવ જર્નલિઝમ શીખ્યો પણ પંકજ નરમ મશહૂર પત્રકારને બદલે દેશ-વિદેશમાં આયુર્વેદનો કરોડપતિ વૈદ બનશે તેવી કોઈએ કલ્પના કરેલી નહીં. તેના ખાદીધારી પિતા ખીમજી નરમ શિસ્તના પાકા હતા. પંકજ નરમ જ્યારે મિત્રો સાથે ફરીને સબ બંદર કા વેપારીની જેમ જે કાંઈ હાથ પડે તે સફળ કરતો. પણ તેના કડક શિસ્તવાળા પિતાને પંકજની આ લોકસેવાની રીતભાત ગમી નહીં. તેમને લાગ્યું કે આ આવારા છોકરો બીજાને મદદ કરવામાં રચ્યોપચ્યો રહે છે. તે જિંદગીમાં કંઈ કરી શકશે નહીં એટલે તેને ઘરમાંથી કાઢી મૂક્યો! તે સમયે મારી ઓળખાણ થઈ. મેં જાણ્યું કે તેની પાસે ખિસ્સામાં રૂ. બાર હતા અને તેટલા પૈસા તેમ જ પહેરેલે કપડે તેને ઘરમાંથી કાઢી મૂક્યો. તેમણે પંકજને ઘરમાંથી એટલા માટે કાઢી મૂક્યો કે તેના આ સાહસિક પુત્રનું 'પાણી' માપવું હતું. પંકજ નરમ ન્યુયોર્ક આખું અમેરિકા અને ભારતમાં જાણીતો વૈદ બન્યો છે તેણે કેવાં કેવાં કામો શરીર શ્રમથી કર્યાંં છે! મુંબઈમાં કોઈ બિનવારસી મડદા ન ઉપાડે તેને વૈદ પંકજ નરમ જાતે મડદા ઉપાડીને અવલ મંિજલે પહોંચાડતો. તેણે પિતાની કડક શિસ્ત છતાં અનેક સેવા અને મોજનાં કામ કર્યાં, પણ બીએની ડિગ્રી માંડ માંડ લીધી ત્યારે તે બેકાર હતો પણ મૂંઝાયો નહીં.  તેણે મુંબઈના 'અભિષેક' અને 'ચેતમછંદર' નામના મેગેઝિનના રિપોર્ટર તરીકે પણ કામ કર્યું. જાણે પંકજ 'સબ બંદર કા વેપારી' જેવો હતો અને મિત્રોને અડધી રાત્રે કામ આવતો. જોકે પંકજના પિતાએ જોયું કે દીકરો સેવાનું જ કામ કરે છે અને 'સસ્તી લોકપ્રિયતા' મેળવે છે એટલે તેના નામનું 'નાહી નાખેલું!'   પંકજે ઘણા પ્રેમીયુગલોને મદદ કરી તેમનાં લગ્ન કરાવી આપેલાં. પણ તે વૈદ્ય કેમ બન્યો. મુંબઈમાં મસ્જિદ બંદરના સૂકામેવાના વેપારીની પ્રેરણાથી પંકજ વૈદ્ય બન્યો તે બહુ ઓછા જાણે છે. દીકરો જરાક સુધરે તો કમાતો થાય તેમ માની તેના પિતા પંકજને સ્વામી મુક્તાનંદના ગુરુ નિત્યાનંદજી પાસે લઈ ગયા. તો પંકજે નિત્યાનંદ બાબાની ફાંદ ઉપર લાત મારી એ વખતે બાબાએ કંઈ કષ્ટ જાહેર કર્યા વગર પંકજને માથે હાથ ફેરવી આગાહી કરી કે આ છોકરો મોટો થઈને બીજા એલોપથિક ડોક્ટરોને 'પાટુ' મારીને માત્ર નાડી જોઈને દરદીના રોગ આયુર્વેદની દવાથી સારા કરશે. પંકજે ઘણા પ્રેમીયુગલોને મદદ કરી તેમનાં લગ્ન કરાવી આપેલાં. પણ તે વૈદ્ય કેમ બન્યો. મુંબઈમાં મસ્જિદ બંદરના સૂકામેવાના વેપારીની પ્રેરણાથી પંકજ વૈદ્ય બન્યો તે બહુ ઓછા જાણે છે. સૂકામેવાના વેપારી રૂગનાથ દેવજીને ત્યાં કામ કરતા જીવણદાસ મજીઠિયાની પ્રેરણાથી પંકજ આજે આંતરરાષ્ટ્રીય ક્ષેત્રે આયુર્વેદનો વૈદ બન્યો છે. જીવણદાસ મજીઠિયા પંકજનો નિસર્ગોપચાર અને આયુર્વેદના ચોંટડુક ઉપચારની વાતો કરતા અને કહેતા કે વિદેશીઓ આપણને નક્કામી દવાથી લૂંટે છે. પછી પંકજે છાતી ઠોકીને કહ્યું વિદેશીઓ ભલે એલોપથીથી લૂંટતા પણ હું વિદેશમાં યુરોપ- અમેરિકા અને બીજા દેશોમાં જઈ કરોડો લોકોને આયુર્વેદની ચૂર્ણ અને ફાકીઓ ફાકતા કરી દઈશ. આજે 2018માં ડો. પંકજની આ બડાઈ અનેક રીતે સાચી પડે છે.

--
You received this message because you are subscribed to the Google Groups "Keep_Mailing" group.
To unsubscribe from this group and stop receiving emails from it, send an email to keep_mailing+unsubscribe@googlegroups.com.
To post to this group, send email to keep_mailing@googlegroups.com.
Visit this group at https://groups.google.com/group/keep_mailing.
To view this discussion on the web visit https://groups.google.com/d/msgid/keep_mailing/CAH3M5Ov6KO7QhPmtZrqiPEOgKJ9wofpYD6yq3GnFOS4EWkeTPA%40mail.gmail.com.
For more options, visit https://groups.google.com/d/optout.