[ ::: ♥Keep_Mailing♥ ::: ]™ સાન્તાક્લોઝ... (Gujarati)

Please use http://translate.google.com/ to translate this article to Language of your choice. સાન્તાક્લોઝ! હેમલ વૈષ્ણવ       'સાલા, આખી કેકનું સત્યાનાશ વાળી નાખ્યું.' મોલમાં આવેલી બેકરીના માલિક ગફુરે ગાળ સાથે જોસેફને બેકરીની બહાર તગેડી મૂક્યો. વાંક તો જોસેફનો પણ ક્યાં હતો! જલોદરનાે રોગ વકર્યો હતો અને હમણાંનું પેટ પણ ઉપસી આવ્યું હતું, એટલે જ ચક્કર આવ્યાં અને બેલેન્સ ચૂકીને કેક સાથે અથડાઈ જવાયું ને...   આજે હવે માલિક કામે રાખે એ વાતમાં માલ ન હતો. બસના ભાડા માટે પૈસા ગણવા જોસેફે ખિસ્સામાં હાથ નાખ્યો અને દીકરા પીટરે સાન્તાક્લોઝને ભાંગ્યાતૂટ્યા અક્ષરે લખેલો કાગળ નીકળી આવ્યો. પીટરે નિર્દોષતાથી સુપરમેનના કંપાસબોક્સની માગણી કરી હતી, હવે એના પૈસા તો...   જોકે, નસીબ જોર કરતું હતું. મોલના બીજા છેડે આવેલા કિડ્સ કોર્નર પાસે રોજ બેસતો સાન્તાક્લોઝ આજે આવ્યો ન હતો અને ઉપસેલા પેટવાળા જોસેફને આજના દિવસ પૂરતું તો કામ મળી ગયું હતું. સતત આઠ કલાક બાળકોને ઊંચકીને ખોળામાં બેસાડતા પેટનો દુખાવો વધી ગયો હતો, પણ સાન્તા બનેલા જોસેફે સફેદ દાઢી હેઠળ વેદના છુપાવી દીધી.   મહેનતાણાના ત્રણસો રૂપિયા લઈને એ કિડ્સ કોર્નર સામે આવેલી સ્ટેશનરીની દુકાને પહોંચ્યો, પણ સુપરમેનવાળો કંપાસ પાંચસો રૂપિયાનો હતો. પેટમાં એક જોરદાર શૂળ સાથે આંખે અંધારાં આવીને જોસેફ ઢળી પડ્યો. આંખ ખૂલી ત્યારે એ હોસ્પિટલના જનરલ વોર્ડમાં હતો. કોણ લાવ્યું હશે એને અહીંયાં? એ વિચારતો જ હતો કે પીટર દોડી આવ્યો હતો. 'જો પપ્પા, સાન્તાક્લોઝે આપ્યો.'   'એડ્રેસ માટે તમારાં ખિસ્સાં ચેક કરતાં કાગળ મળ્યો. સાન્તાનો જ છોકરો ગિફ્ટ વગર રહી જાય એ ચાલે?' પાછળ જ આવેલા સ્ટેશનરી સ્ટોરના માલિક મનહરભાઈ બોલ્યા.   'જોસેફ યાર, ક્રિસમસના ટાઇમે જ બદસલૂકી થઈ ગઈ. ડોક્ટર કહેતા હતા કે પંદર દિવસ આરામ કરવાનો છે. તું ફિકર નહીં કર. આમદની બંધ નહીં થાય તારા ઘરની.' ગફુરના અવાજમાં અનુકંપા હતી. આધેડ ઉંમરના જોસેફને લાગ્યું કે સાન્તાક્લોઝ એ કાલ્પનિક પાત્ર નહીં પણ હકીકત હતી.

--
You received this message because you are subscribed to the Google Groups "Keep_Mailing" group.
To unsubscribe from this group and stop receiving emails from it, send an email to keep_mailing+unsubscribe@googlegroups.com.
To post to this group, send email to keep_mailing@googlegroups.com.
Visit this group at https://groups.google.com/group/keep_mailing.
To view this discussion on the web visit https://groups.google.com/d/msgid/keep_mailing/CAH3M5Ot5dmwWL7J%2Bf8FonpOP-kWNqdXcA3d2ViMCXoLTRXfmfw%40mail.gmail.com.
For more options, visit https://groups.google.com/d/optout.