[ ::: ♥Keep_Mailing♥ ::: ]™ પેરન્ટ બનવા પાત્રતા જરૂરી છે? (Gujarati)

Please use http://translate.google.com/ to translate this article to Language of your choice. પેરન્ટ બનવા પાત્રતા જરૂરી છે? ઝીરો લાઈન :- ગીતા માણેક     'હેપ્પી બર્થ-ડે બેટા. આ લે, તારી બર્થ-ડે ગિફ્ટ.' કહીને એક ધનાઢય પિતાએ તેના સોળ વર્ષના સગીર દીકરાને લગભગ ૯૫ લાખની કિંમતની પોર્શે કાર જન્મદિનની ભેટ તરીકે આપી દીધી. મુંબઈના સેલિબ્રિટી અંગ્રેજી કોલમિસ્ટે આ ઘટના  નજરોનજર જોઈ હતી. તેમના જે વહાલસોયા બેટાને તેમણે આ ગિફ્ટ આપી હતી, તે નબીરાએ થોડા સમય અગાઉ જ મરીન ડ્રાઇવના દરિયાકિનારે પૂરઝડપે કાર હંકારી અને ફૂટપાથ પર ચાલી રહેલી ત્રણ વ્યક્તિઓને ઈજા પહોંચાડી હતી. માલદાર બાપે અઢળક પૈસા વેરીને તેમના આ પનોતા પુત્રને કોઈપણ પ્રકારની સજામાંથી બચાવી લીધો હતો!   સાડાચાર વર્ષનો પ્રવીણ તેની ઉંમરના પ્રમાણમાં વધુ પડતો ગંભીર છે. પૂણેમાં 'ચાઇલ્ડલાઇન' નામની સંસ્થાના મહિલા સામાજિક કાર્યકર પાસે તેને લાવવામાં આવ્યો. આ છોકરો મા સાથે હોય ત્યારે બાપ વિરુદ્ધ ફ્રિયાદ કરે અને બાપ સાથે હોય ત્યારે મા વિરુદ્ધ ફ્રિયાદ કરતો રહેતો હતો. સમજદાર અને અનુભવી આ મહિલા કાર્યકરે જ્યારે પ્રવીણ સાથે સંવાદ કર્યો. ત્યારે તેણે રહસ્ય જણાવી દીધું, "જુઓ, હું બાબા (પિતા) સાથે હોઉં છું ત્યારે મારી આઈ (મા) વિરુદ્ધ સાચું-ખોટું બોલતો રહું છું અને આઇ સાથે હોઉં છું ત્યારે બાબા વિરુદ્ધ. કારણ કે જ્યારે હું બાબા વિરુદ્ધ આઇને કહું તો મને આઇસક્રીમ, ચોકલેટ મળે અને જો હું બાબાને ફ્રિયાદો કરું તો મને કેક, રમકડાં, ચોક્લેટ્સ જે માગું તે મળે છે." આ છોકરાના મા-બાપ વચ્ચે ઝઘડા ચાલે છે અને છૂટાછેડા માટે કોર્ટમાં કેસ ચાલી રહ્યો છે. મા-બાપ પોતાના દીકરાનો જાસૂસ અને હથિયાર તરીકે ઉપયોગ કરી રહ્યા હતા. આને કારણે છોકરાનું બાળપણ જ છિનવાઈ ગયું હતું.   સામાન્ય રીતે કોઈપણ નોકરી મેળવવા કે ડોક્ટર, વકીલ, એન્જિનિયર, ચાર્ટડ અકાઉન્ટ, આર્િકટેક્ટ જેવા વ્યવસાય કરવા માટે ડિગ્રીનું અને પાત્રતાનું સર્ટિફ્કિેટ રજૂ કરવું પડે છે. ડ્રાઇવર તરીકે નોકરી કરવા માટે પણ લાયસન્સ હોવું અનિવાર્ય છે. આવા કોઈપણ કામ પહેલાં લાયકાત કે અનુભવની માગણી કરવામાં આવે છે, કારણ કે વ્યક્તિ પર તેના દર્દીઓ કે ગ્રાહકો ઉપરાંત સામાજિક જવાબદારી પણ હોય છે. પરંતુ માતા-પિતા બનવા માટે કોઈ સર્ટિફ્કિેટ, કોઈ પાત્રતા હોવી અનિવાર્ય નથી. કોઈપણ પુખ્ત સ્ત્રી-પુરુષ પાસે માતા-પિતા બનતાં પહેલાં કોઈ તાલીમ કે પાત્રતાની અપેક્ષા રાખવામાં આવતી નથી. આપણા સમાજમાં સર્વ સામાન્યપણે ભણતર બાદ ખાસ કરીને પુરુષ માટે નોકરી, ધંધો કે વ્યવસાય શરૂ કરવો, લગ્ન અને પછી બે-ત્રણ વર્ષમાં સંતાન એ ક્રમ ગોઠવી દેવામાં આવ્યો છે. મોટાભાગના લોકો આ ક્રમને જ અનુસરે છે.   સંતાનને જન્મ આપવો, તેને ઉછેરવું એ કેટલી મોટી જવાબદારી છે એ વિશે બહુ ઓછા લોકો વિચારે છે. સંતાનના જન્મ પૂર્વે, ગર્ભાવસ્થા દરમિયાન અને જન્મ તેમ જ તે બાળકના ઉછેર વિશે વિચારવાનું પણ મોટાભાગના લોકોને જરૂરી લાગતું નથી. કોઈ આવું કંઈ કહે તો પણ તેની ઠેકડી ઉડાડવામાં આવે છે. કોઈ છોકરી કે છોકરો વંઠેલા હોય તો સલાહ આપવામાં આવે છે કે લગ્ન કરી નાખો. લગ્ન થઈ જશે, બાળકો થશે એટલે ઠરીઠામ થઈ જશે. જાણે લગ્ન અને સંતાનો કોઈ ચમત્કારિક દવા હોય કે જેને પીવડાવાથી વ્યક્તિમાં ડહાપણની સરવાણી ફૂટવા માંડે!   એક જાણીતા સંત કહે છે, પ્રાચીન ભારતમાં ગુરુકુલમાં પચ્ચીસ વર્ષ બ્રહ્મચર્યનું પાલન કરતાં-કરતાં યોગ, શાસ્ત્રોનો અભ્યાસથી, માનસિક પરિપક્વતા મળતી. પાછા ર્ફ્યા બાદ લગ્ન કરવામાં આવતા. લગ્ન બેફમપણે વાસનાપૂર્તિ માટેનું સાધન નહોતું, શારીરિક જરૂરિયાતોને સંયમિત રાખવાનું અને વિવેકપૂર્ણ જીવન જીવી શકવા માટેની સંસ્થા હતી. આવા સમજણ અને વિવેકપૂર્ણ સંબંધોમાંથી જે સંતાનોત્પત્તિ થતી તેનો ઉછેર પણ જવાબદારીપૂર્વક કરવામાં આવતો.   સમય જતા લગ્નસંસ્થા તો એ જ રહી પણ દાંપત્ય અસંયમિત રીતે વાસનાપૂર્તિ કરવા માટેનો પરવાનો બની ગયું. એમાંથી અધોગતિ સર્જાઈ છે.   એક બાળકને જન્મ આપવો એટલે આવનારી જનરેશનમાં એક વ્યક્તિનો ઉમેરો કરવો. આ જનરેશન જ આવતીકાલનો દેશ અને દુનિયા છે. એ અર્થમાં એક બહુ મોટી જવાબદારી નિભાવવાની છે એવી સભાનતા સાથે કેટલા દંપતીઓ માતા-પિતા બનતા હશે કે પછી સંતાનનો ઉછેર કરતા હશે?   અભિનેત્રી કાજોલે તાજેતરમાં એક વિચાર માગી લે એવી વાત કહી છે. લગ્ન અને તેના બે સંતાનોના બાળ-ઉછેર માટે ફ્લ્મિોમાં અભિનય કરવાથી દૂર રહેલી કાજોલ કહે છે, " તમે કારકિર્દી કે સંબંધોમાં નિષ્ફ્ળ જાઓ તો એક વાર ચાલી જાય પણ પેરન્ટ (માતા-પિતા) તરીકે નિષ્ફ્ળ જવું એ બહુ જ ભયાનક પરિણામ લાવનારું સાબિત થઈ શકે છે."

--
You received this message because you are subscribed to the Google Groups "Keep_Mailing" group.
To unsubscribe from this group and stop receiving emails from it, send an email to keep_mailing+unsubscribe@googlegroups.com.
To post to this group, send email to keep_mailing@googlegroups.com.
Visit this group at https://groups.google.com/group/keep_mailing.
To view this discussion on the web visit https://groups.google.com/d/msgid/keep_mailing/CAH3M5Otv3gyuR%3DyUHgu3TaL61DZ9czvhFhbr%2BUEv84XrmRF6zw%40mail.gmail.com.
For more options, visit https://groups.google.com/d/optout.