[ ::: ♥Keep_Mailing♥ ::: ]™ અણગમતી સ્થિતિ બદલવાની કોશિશ કરનારાઓને રસ્તો મળી જ રહે છે... (Gujarati)

Please use http://translate.google.com/ to translate this article to Language of your choice. અણગમતી સ્થિતિ બદલવાની કોશિશ કરનારાઓને રસ્તો મળી જ રહે છે! સુખનો પાસવર્ડ-આશુ પટેલ         મહારાષ્ટ્રના એક નાનકડા ગામની અભણ મહિલાએ પતિ સામે બળવો પોકારીને અણગમતી સ્થિતિ બદલાવી! આજે વાત કરવી છે મહારાષ્ટ્રના વાશીમ જિલ્લાના નાનકડા ગામ સાયખેડાની એક અભણ મહિલા સંગીતા આવ્હાળેની. સંગીતા તેના પતિને પરણીને સાસરે ગઈ ત્યારે તેને એ જાણીને આઘાત લાગ્યો હતો કે તેના પતિના ઘરમાં શૌચાલય નથી. સંગીતાના પિયરમાં શૌચાલય હતું. પતિના ઘરમાં શૌચાલય ન હોવાને કારણે તેણે શૌચક્રિયા માટે ગામની બહાર જવું પડતું હતું. એ વખતે તેને ખૂબ જ વિકટ સ્થિતિમાં મુકાવું પડતું હતું. તે ઘણી વખત શૌચક્રિયા માટે ગઈ હોય ત્યારે કોઈ વ્યક્તિ કે વાહન નજીકથી પસાર થાય ત્યારે તેની સ્થિતિ કફોડી થઈ જતી. સંગીતાએ પતિને વિનંતી કરી કે ઘરમાં શૌચાલય બનાવી આપો. પણ તેનો પતિ નારાયણ તેની વાત માનતો નહોતો. તે કહેતો હતો કે શૌચાલય બાંધવા માટે મારી પાસે પૈસા નથી. આ ઉપરાંત તે દલીલ પણ કરતો કે ગામ ના આપણા જેવા મોટા ભાગના લોકોના ઘરે શૌચાલય નથી. કોઈને તકલીફ નથી પડતી તો તું શા માટે કકળાટ કરે છે? આ મુદ્દે સંગીતાનો તેના પતિ સાથે ઘણી વાર ઝઘડો પણ થતો હતો, પરંતુ તેના પતિએ શૌચાલય બંધાવી ન આપ્યું. આવી રીતે બાર વર્ષ વીતી ગયા. આ દરમિયાન સંગીતાએક એક દીકરીને જન્મ આપ્યો હતો. સંગીતાની દીકરી પણ હવે મોટી થઈ રહી હતી. તેને પણ ખેતરોમાં શૌચક્રિયા માટે જવામાં સંકોચ થતો હતો. સંગીતા તેના પતિને શૌચાલય માટે વિનવતી રહી, પણ તેનો પતિ તેની વાત માનતો નહોતો. છેવટે સંગીતાએ પતિ સામે બળવો પોકાર્યો તેણે પોતાનું સોનાનું મંગળસૂત્ર બજારમાં જઈને વેચી નાખ્યું અને જે પૈસા આવ્યા એ પતિ નારાયણને આપીને કહ્યું કે આ લો પૈસા! હવે તો શૌચાલય બંધાવી આપો. નહીં તો હું મારી પિયર જતી રહીશ. સંગીતાનો આક્રોશ જોઈને છેવટે તેના પતિએ મંગળસૂત્ર વેચીને આવેલા પૈસામાંથી ઘરમાં શૌચાલય બનાવી આપ્યું. આ વાત મરાઠી અખબારો સુધી પહોંચી અને સંગીતાના શૌચાલય માટે સંગીતાએ કરેલા બળવાની વાત સમાચારરૂપે પ્રકાશિત થઈ. મહારાષ્ટ્રના ગ્રામ્ય-વિકાસ પ્રધાન પંકજા મુંડેએ એ સમાચાર વાંચ્યા. તેમણે સંગીતાને બોલાવીને તેનાં પગલાં માટે શાબાશી આપી અને તેનું સન્માન કર્યું. પંકજા મુંડેએ સંગીતાને મંગળસૂત્રની ભેટ પણ આપી. વ્યક્તિ તેને અણગમતી સ્થિતિ બદલવાની કોશિશ કરે તો તેને રસ્તો મળી જ રહેતો હોય છે એનો પુરાવો મહારાષ્ટ્રની અભણ મહિલા સંગીતા આવ્હાળેએ શૌચાલય માટે પતિ સામે બળવો કરીને, મંગળસૂત્ર વેચીને આપ્યો છે.

--
You received this message because you are subscribed to the Google Groups "Keep_Mailing" group.
To unsubscribe from this group and stop receiving emails from it, send an email to keep_mailing+unsubscribe@googlegroups.com.
To post to this group, send email to keep_mailing@googlegroups.com.
Visit this group at https://groups.google.com/group/keep_mailing.
To view this discussion on the web visit https://groups.google.com/d/msgid/keep_mailing/CAH3M5Ou7XhZENkMnVMFoXv3xGxHKJRs%2BcpunrUnf6u-%2BNgBO2w%40mail.gmail.com.
For more options, visit https://groups.google.com/d/optout.